An Chéad Bhliain

Scéal: An Cuairteoir

Scríobh an scéal san Aimsir Chaite
Úsáid briathra difriúla

Scéal - An Cuairteoir

Bhíomar ag súil leis an lá seo le fada. Faoi dheireadh bhí sé tagtha. Bhí cuairteoir cáiliúil ag teacht go dtí an scoil agus ní raibh a fhios againn cé a bhí ag teacht. Thángamar ar scoil an mhaidin sin mar ba ghnáth, agus chonaic mé go raibh gach duine ar bís. Rinne na muinteoirí iarracht roinnt oibre a dhéanamh linn, ach d’éirigh siad as tar éis tamaill. Bhí siad ag cur a gcuid ama amú.

Go tobann, osclaíodh doras an tseomra ranga (the classroom door was opened) agus chonaiceamar an cuairteoir. Ligeamar ar fad béic asainn. Lig cúpla duine osna bróin astu. Cé a bhí ann ach Brian O’Driscoll. Thugamar bualadh bos dó agus thosaigh sé ag caint linn ar feadh tamaill. Chuireamar a lán ceisteanna air faoina shaol agus faoin méid traenáil a bhíonn le déanamh aige. D’fhreagair sé gach ceist a chuir muid air, fiú na ceisteanna amaideacha a chur cúpla duine!

Shínigh sé roinnt cóipleabhair agus leabhair ansin, fiú leabhar an mhúinteoir Béarla! Bhain mé an-taitneamh as an lá sin mar is é Brian O’Driscoll an pearsa spóirt is fearr liom. Bhí mé ar mhuin na muice ag dul abhaile an lá sin. Ní dhéanfaidh mé dearmad ar an lá sin go deo!